|
|
|
Soreloc is ponaks mal sorela kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kota sorela
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon balemoya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt sorela tire rupteper. Loeke zolonaf
soreloc kotoron tuvanon zo murobad :
Jadifa radimosta rorewana
(fakaf)
|
fakamaf
|
abicon fakaf
|
rieta vas pinuca
|
fakapaf
|
jontikon fakaf
|
rieta vas gijuca
|
fakarsaf
|
slikon fakaf
|
rieta vas slikuca
|
fakansaf
|
dikon fakaf
|
rieta vas dikuca
|
fakanyaf
|
kiewon fakaf
|
rieta vas kiewuca
|
fakajaf
|
roton fakaf
|
rieta vas rotuca
|
fakackaf
|
konakon ok umon ok nivon fakaf
|
rieta vas nivuca ik umuca
|
- Jadifa radimosta kak sorela zo sofaveped nume grupera va sina tir zolonaca.
Jadifa abduosta rorewana
(fakaf)
|
enfakaf
|
en fakaf
|
rieta vas enuca
|
mefakaf |
me fakaf
|
rieta vas meuca
|
volfakaf |
vol fakaf
|
rieta vas voluca
|
- Jadifa abduosta dere tid giltackafa ise lodam graysokafa muxara tirkon gu duwot zo gonabdualbad. Tirkon gu sparay, va sugdalasa rukuzaca jontikviele kofid.
Tugrayasa sorelafa osta rorewana (fakaf)
|
grifaká
|
in va koncoba grifakar in va kontan grifakar
|
rieta vas griaskira va koncoba ok kontan van sok ke sorela [tanmuk- gray]
|
→ grifakawé
|
in grifakawer batcoba grifakawer |
rieta da koncoba ok kontan ilpir sok ke sorela [mukodiskaf gray] |
gufaká |
in va koncoba gufakar in va kontan gufakar |
rieta vas videra va koncoba ok kontan ton sok ke sorela [tanmuk- gray] |
tufaká |
in va koncoba tufakar in va kontan tufakar |
rieta vas askira va koncoba ok kontan van sok ke sorela [tanmuk- gray] |
→ tufakawé
|
in tufakawer batcoba tufakawer
|
rieta da koncoba ok kontan vanpir sok ke sorela [mukodiskaf gray] |
- Tugrayasa sorelafa osta nobackon zo faved, tulon tu-...-á osta. Va tanmukodaf gray bazes va tegira dikisa va sorelasugdala ronotazukad. Tolostanon gu
-wé aptafa radimosta, mukodiskaf gray muxas va soktowara dere zo rodaskid.
Malsorelafa radimosta rorewana (fakaf)
|
fakaca
|
coba dugakirafa gu sorela oku tegira [yolt]
|
fake
|
manaf pak ke belca tis dem soreladuga oku dikis [yolt] |
fakik |
olkik tis vas sorela, olkik dis va soreladuga oku dikis [yolt] |
fakon |
askon gu sorela [muge] |
fakuca
|
duga ke sorela [yolt] |
- Bata aluboya radimosta va yolt ik tanoye muge mal beta sorela ronoredud. Tela loon gubefa num gogrupepena tid -ik is -uca is -on ta askafe muge.
|
|
|
Sorela koe blira ke ava
Duvusa sorela sotid ke gotuxeem. Va ava is muxarinda yordapad.
Uumon gu pulviropa, sorela rotir duwot ke yolt ok ikayolt oke wetce sparay zo rotuner.
Kota duvusa sorela sotir dem -f toza ( vox dace -af sotre 90 % ke kote).
Verta va mamanyara
Dum beta sorelinda, fakaf
sorela va verta va mamanyara zo solevgar. Batdume va intafa vuestexa sobrospar nume va milaf kirneleray mankase di kazawar.
Direon konaka roguzekana tula :
- fakaf korik
- fakafa mona
- fakafe vage
- fakafi durni
- fakafo guto
- fakafu bu
|