|
|
|
|
Soreloc is ponaks mal sorela kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kota sorela
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon balemoya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt sorela tire rupteper. Loeke zolonaf
soreloc kotoron tuvanon zo murobad :
Jadifa radimosta rorewana
(pakenjaf)
|
pakenjamaf
|
abicon pakenjaf
|
rieta vas pinuca
|
pakenjapaf
|
jontikon pakenjaf
|
rieta vas gijuca
|
pakenjarsaf
|
slikon pakenjaf
|
rieta vas slikuca
|
pakenjansaf
|
dikon pakenjaf
|
rieta vas dikuca
|
pakenjanyaf
|
kiewon pakenjaf
|
rieta vas kiewuca
|
pakenjajaf
|
roton pakenjaf
|
rieta vas rotuca
|
pakenjackaf
|
konakon ok umon ok nivon pakenjaf
|
rieta vas nivuca ik umuca
|
- Jadifa radimosta kak sorela zo sofaveped nume grupera va sina tir zolonaca.
Jadifa abduosta rorewana
(pakenjaf)
|
enpakenjaf
|
en pakenjaf
|
rieta vas enuca
|
| mepakenjaf |
me pakenjaf
|
rieta vas meuca
|
| volpakenjaf |
vol pakenjaf
|
rieta vas voluca
|
- Jadifa abduosta dere tid giltackafa ise lodam graysokafa muxara tirkon gu duwot zo gonabdualbad. Tirkon gu sparay, va sugdalasa rukuzaca jontikviele kofid.
Tugrayasa sorelafa osta rorewana (pakenjaf)
|
gripakenjá
|
in va koncoba gripakenjar
in va kontan gripakenjar
|
rieta vas griaskira va koncoba ok kontan van sok ke sorela [tanmuk- gray]
|
→ gripakenjawé
|
in gripakenjawer
batcoba gripakenjawer |
rieta da koncoba ok kontan ilpir sok ke sorela [mukodiskaf gray] |
| gupakenjá |
in va koncoba gupakenjar
in va kontan gupakenjar |
rieta vas videra va koncoba ok kontan ton sok ke sorela [tanmuk- gray] |
| tupakenjá |
in va koncoba tupakenjar
in va kontan tupakenjar |
rieta vas askira va koncoba ok kontan van sok ke sorela [tanmuk- gray] |
→ tupakenjawé
|
in tupakenjawer
batcoba tupakenjawer
|
rieta da koncoba ok kontan vanpir sok ke sorela [mukodiskaf gray] |
- Tugrayasa sorelafa osta nobackon zo faved, tulon tu-...-á osta. Va tanmukodaf gray bazes va tegira dikisa va sorelasugdala ronotazukad. Tolostanon gu
-wé aptafa radimosta, mukodiskaf gray muxas va soktowara dere zo rodaskid.
Malsorelafa radimosta rorewana (pakenjaf)
|
pakenjaca
|
coba dugakirafa gu sorela oku tegira [yolt]
|
pakenje
|
manaf pak ke belca tis dem soreladuga oku dikis [yolt] |
| pakenjik |
olkik tis vas sorela, olkik dis va soreladuga oku dikis [yolt] |
| pakenjon |
askon gu sorela [muge] |
pakenjuca
|
duga ke sorela [yolt] |
- Bata aluboya radimosta va yolt ik tanoye muge mal beta sorela ronoredud. Tela loon gubefa num gogrupepena tid -ik is -uca is -on ta askafe muge.
|
|
|
 Sorela koe blira ke ava
Duvusa sorela sotid ke gotuxeem. Va ava is muxarinda yordapad.
Uumon gu pulviropa, sorela rotir duwot ke yolt ok ikayolt oke wetce sparay zo rotuner.
Kota duvusa sorela sotir dem -f toza ( vox dace -af sotre 90 % ke kote).
 Verta va mamanyara
Dum beta sorelinda, pakenjaf
sorela va verta va mamanyara zo solevgar. Batdume va intafa vuestexa sobrospar nume va milaf kirneleray mankase di kazawar.
Direon konaka roguzekana tula :
- pakenjaf korik
- pakenjafa mona
- pakenjafe vage
- pakenjafi durni
- pakenjafo guto
- pakenjafu bu
|
