|
|
|
Soreloc is ponaks mal sorela kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kota sorela
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon balemoya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt sorela tire rupteper. Loeke zolonaf
soreloc kotoron tuvanon zo murobad :
Jadifa radimosta rorewana
(pulviskaf)
|
pulviskamaf
|
abicon pulviskaf
|
rieta vas pinuca
|
pulviskapaf
|
jontikon pulviskaf
|
rieta vas gijuca
|
pulviskarsaf
|
slikon pulviskaf
|
rieta vas slikuca
|
pulviskansaf
|
dikon pulviskaf
|
rieta vas dikuca
|
pulviskanyaf
|
kiewon pulviskaf
|
rieta vas kiewuca
|
pulviskajaf
|
roton pulviskaf
|
rieta vas rotuca
|
pulviskackaf
|
konakon ok umon ok nivon pulviskaf
|
rieta vas nivuca ik umuca
|
- Jadifa radimosta kak sorela zo sofaveped nume grupera va sina tir zolonaca.
Jadifa abduosta rorewana
(pulviskaf)
|
enpulviskaf
|
en pulviskaf
|
rieta vas enuca
|
mepulviskaf |
me pulviskaf
|
rieta vas meuca
|
volpulviskaf |
vol pulviskaf
|
rieta vas voluca
|
- Jadifa abduosta dere tid giltackafa ise lodam graysokafa muxara tirkon gu duwot zo gonabdualbad. Tirkon gu sparay, va sugdalasa rukuzaca jontikviele kofid.
Tugrayasa sorelafa osta rorewana (pulviskaf)
|
gripulviská
|
in va koncoba gripulviskar in va kontan gripulviskar
|
rieta vas griaskira va koncoba ok kontan van sok ke sorela [tanmuk- gray]
|
→ gripulviskawé
|
in gripulviskawer batcoba gripulviskawer |
rieta da koncoba ok kontan ilpir sok ke sorela [mukodiskaf gray] |
gupulviská |
in va koncoba gupulviskar in va kontan gupulviskar |
rieta vas videra va koncoba ok kontan ton sok ke sorela [tanmuk- gray] |
tupulviská |
in va koncoba tupulviskar in va kontan tupulviskar |
rieta vas askira va koncoba ok kontan van sok ke sorela [tanmuk- gray] |
→ tupulviskawé
|
in tupulviskawer batcoba tupulviskawer
|
rieta da koncoba ok kontan vanpir sok ke sorela [mukodiskaf gray] |
- Tugrayasa sorelafa osta nobackon zo faved, tulon tu-...-á osta. Va tanmukodaf gray bazes va tegira dikisa va sorelasugdala ronotazukad. Tolostanon gu
-wé aptafa radimosta, mukodiskaf gray muxas va soktowara dere zo rodaskid.
Malsorelafa radimosta rorewana (pulviskaf)
|
pulviskaca
|
coba dugakirafa gu sorela oku tegira [yolt]
|
pulviske
|
manaf pak ke belca tis dem soreladuga oku dikis [yolt] |
pulviskik |
olkik tis vas sorela, olkik dis va soreladuga oku dikis [yolt] |
pulviskon |
askon gu sorela [muge] |
pulviskuca
|
duga ke sorela [yolt] |
- Bata aluboya radimosta va yolt ik tanoye muge mal beta sorela ronoredud. Tela loon gubefa num gogrupepena tid -ik is -uca is -on ta askafe muge.
|
|
|
Sorela koe blira ke ava
Duvusa sorela sotid ke gotuxeem. Va ava is muxarinda yordapad.
Uumon gu pulviropa, sorela rotir duwot ke yolt ok ikayolt oke wetce sparay zo rotuner.
Kota duvusa sorela sotir dem -f toza ( vox dace -af sotre 90 % ke kote).
Verta va mamanyara
Dum beta sorelinda, pulviskaf
sorela va verta va mamanyara zo solevgar. Batdume va intafa vuestexa sobrospar nume va milaf kirneleray mankase di kazawar.
Direon konaka roguzekana tula :
- pulviskaf korik
- pulviskafa mona
- pulviskafe vage
- pulviskafi durni
- pulviskafo guto
- pulviskafu bu
|