|
|
|
|
Soreloc is ponaks mal sorela kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kota sorela
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon balemoya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt sorela tire rupteper. Loeke zolonaf
soreloc kotoron tuvanon zo murobad :
Jadifa radimosta rorewana
(rilaf)
|
rilamaf
|
abicon rilaf
|
rieta vas pinuca
|
rilapaf
|
jontikon rilaf
|
rieta vas gijuca
|
rilarsaf
|
slikon rilaf
|
rieta vas slikuca
|
rilansaf
|
dikon rilaf
|
rieta vas dikuca
|
rilanyaf
|
kiewon rilaf
|
rieta vas kiewuca
|
rilajaf
|
roton rilaf
|
rieta vas rotuca
|
rilackaf
|
konakon ok umon ok nivon rilaf
|
rieta vas nivuca ik umuca
|
- Jadifa radimosta kak sorela zo sofaveped nume grupera va sina tir zolonaca.
Jadifa abduosta rorewana
(rilaf)
|
enrilaf
|
en rilaf
|
rieta vas enuca
|
| merilaf |
me rilaf
|
rieta vas meuca
|
| volrilaf |
vol rilaf
|
rieta vas voluca
|
- Jadifa abduosta dere tid giltackafa ise lodam graysokafa muxara tirkon gu duwot zo gonabdualbad. Tirkon gu sparay, va sugdalasa rukuzaca jontikviele kofid.
Tugrayasa sorelafa osta rorewana (rilaf)
|
gririlá
|
in va koncoba gririlar
in va kontan gririlar
|
rieta vas griaskira va koncoba ok kontan van sok ke sorela [tanmuk- gray]
|
→ gririlawé
|
in gririlawer
batcoba gririlawer |
rieta da koncoba ok kontan ilpir sok ke sorela [mukodiskaf gray] |
| gurilá |
in va koncoba gurilar
in va kontan gurilar |
rieta vas videra va koncoba ok kontan ton sok ke sorela [tanmuk- gray] |
| turilá |
in va koncoba turilar
in va kontan turilar |
rieta vas askira va koncoba ok kontan van sok ke sorela [tanmuk- gray] |
→ turilawé
|
in turilawer
batcoba turilawer
|
rieta da koncoba ok kontan vanpir sok ke sorela [mukodiskaf gray] |
- Tugrayasa sorelafa osta nobackon zo faved, tulon tu-...-á osta. Va tanmukodaf gray bazes va tegira dikisa va sorelasugdala ronotazukad. Tolostanon gu
-wé aptafa radimosta, mukodiskaf gray muxas va soktowara dere zo rodaskid.
Malsorelafa radimosta rorewana (rilaf)
|
rilaca
|
coba dugakirafa gu sorela oku tegira [yolt]
|
rile
|
manaf pak ke belca tis dem soreladuga oku dikis [yolt] |
| rilik |
olkik tis vas sorela, olkik dis va soreladuga oku dikis [yolt] |
| rilon |
askon gu sorela [muge] |
riluca
|
duga ke sorela [yolt] |
- Bata aluboya radimosta va yolt ik tanoye muge mal beta sorela ronoredud. Tela loon gubefa num gogrupepena tid -ik is -uca is -on ta askafe muge.
|
|
|
 Sorela koe blira ke ava
Duvusa sorela sotid ke gotuxeem. Va ava is muxarinda yordapad.
Uumon gu pulviropa, sorela rotir duwot ke yolt ok ikayolt oke wetce sparay zo rotuner.
Kota duvusa sorela sotir dem -f toza ( vox dace -af sotre 90 % ke kote).
 Verta va mamanyara
Dum beta sorelinda, rilaf
sorela va verta va mamanyara zo solevgar. Batdume va intafa vuestexa sobrospar nume va milaf kirneleray mankase di kazawar.
Direon konaka roguzekana tula :
- rilaf korik
- rilafa mona
- rilafe vage
- rilafi durni
- rilafo guto
- rilafu bu
|
