|
|
|
|
Yoltoc is ponaks mal yolt kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kot yolt
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon baroya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt yolt tire rupteper. Loeke zolonaf
yoltoc kotoron tuvanon zo murobad :
Jadifa radimosta rorewana
(ravlemxanta)
|
ravlemxantama
|
pinafa ravlemxanta
|
rieta vas pinuca
|
ravlemxantapa
|
gijafa ravlemxanta
|
rieta vas gijuca
|
ravlemxantanya
|
kiewafa ravlemxanta
|
rieta vas kiewuca
|
ravlemxantaja
|
rotafa ravlemxanta
|
rieta vas rotuca
|
ravlemxantacka
|
nivafa ravlemxanta
|
rieta vas nivuca
|
- Jadifa radimosta kak yolt zo sofaveped nume grupera va sina tir zolonaca.
Tuyoltasa yoltosta rorewana (ravlemxanta)
|
ravlemxantak
|
ak, ruldasa xa
|
ravlemxantakola
|
akola ok veta [ dem sugdalacka ik soloksaca ]*
|
ravlemxantava
|
yolt ke ava *
|
ravlemxantacek
|
cek, tokoda gina koe ...
|
ravlemxanteba
|
eba [ va ayik anton sokicder ]
|
ravlemxanteem
|
eem, belca, kotak
|
ravlemxanteva
|
eva ik rietoda ik trakuralizor *
|
ravlemxantinda
|
inda ik apta [ jadipafa, dem oxifa voda ]
|
ravlemxantaki
|
ki ik pak ik pakava ik lip [ dem sugdalacka ke veyravlem ]
|
ravlemxantakurke
|
kurke ik ropera *
|
ravlemxantoc
|
xantoc vey ... [ va ayik ik dunol loviele sokicder ]
|
ravlemxantolk
|
omavolk ke ... [ dem sugdalacka ke veyravlem ]
|
ravlemxantonya
|
xo lize va ... iat ike dolet
|
ravlemxantopa
|
opa ik brube ok vayarinda *
|
ravlemxantotsa
|
otsa ik naav ik uul [ dem sugdalacka ke veyravlem ]
|
ravlemxantaroti
|
roti ik gaderopaf bolk *
|
ravlemxantugal
|
ugal, sare, firday, cadim
|
ravlemxantaxa
|
xa, plek
|
ravlemxantaxe
|
xe, kolna
|
ravlemxantaxo
|
xo, lizuk, darka, olkoba
|
ravlemxantaya
|
ayedikya [ va ayik ik dunol anton sokicder ]
|
ravlemxantaye
|
ayedikye [ va ayik ik dunol anton sokicder ]
|
- Bata tol-san-toloya radimosta va yolt mal jontik yolt ronoredud. Tela loon gubefa num gogrupepena tid -eem is -inda is -xo.
- * Rotis yoltoc kan bata osta sye al zo tuwinugad ise sinafa sugdala al zo tentuckur. Numon koe vuestes winugaf ravlemak sye tigid.
Tusorelasa yoltosta rorewana (ravlemxanta)
|
ravlemxantaf
|
tisa va adala ke ravlemxanta [ jadifa ostacka, duvusa sorela ]
|
ravlemxantenjaf
|
gracasa va tana ok yona ravlemxanta [ aptafa osta ]
|
ravlemxantafamaf
|
albasa va ravlemxanta [ ostama ]
|
ravlemxantafimaf
|
volalbasa va ravlemxanta [ ostama ]
|
ravlemxantiskaf
|
medisa va ravlemxanta oku medikisa oku medigisa [ ostacka ]
|
ravlemxantakiraf
|
disa va ravlemxanta oku ruldasa oku diskisa oku gisa oku digisa [ ostacka ]
|
ravlemxantakoraf
|
tisa dem tazuk ke ravlemxanta, vektasa va ravlemxanta [ ostama ]
|
ravlemxantatoraf
|
malestusa va ravlemxanta [ ostama ]
|
ravlemxantukaf
|
tisa dem uka ke ravlemxanta [ aptafa osta ]
|
- Bata lerdoya radimosta va sorela mal jontik yolt ronoredud. Tela loon gubefa num gogrupepena tid -(a)f ( mu bet yolt ) is -iskaf is -kiraf.
|
|
|
 Yolt koe blira ke ava
Yolt sotid rigotafa ravlemloma ise jontikote dun zo divlaumasid,
tulapon kan intafa jontika kasaca ronodantesa ok ronoponasa.
Yolt jonflion roksuber : va detce ik mukoda ik sparay ikz-.
Rigotafa walgrupera va ropatan yolt isu meropatan sotir, i va
walgrupera skuna kare sugdala ke ravlem vols tazuk.
 Verta va mamanyara
Dum kot yolt, ravlemxanta
yolt va verta va mamanyara sodirgar. Batdume kota inafa gotuxa vaon sobrospar nume va milaf kirneleray di kazawar.
Direon konaka roguzekana tula :
- bata ravlemxanta
- jontika ravlemxanta
- baroya ravlemxanta
- vegungafa ravlemxanta
- tisa ravlemxanta
- tela icdena ravlemxanta
|
