|
|
|
|
Grayoc is ponaks mal gray kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kot gray
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon baroya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt gray tire rupteper. Loeke zolonaf
grayoc kotoron tuvanon zo murobad :
Jadifa radimosta rorewana
(krutú)
|
krutumú
|
abiceke ik abicote krutú
|
rieta vas abicuca
|
krutupú
|
jontikeke ik jontikote krutú
|
rieta vas jontikuca
|
krutursú
|
slikeke ik slikote krutú
|
rieta vas slikuca
|
krutunsú
|
dikeke ik dikote krutú
|
rieta vas dikuca
|
krutunyú
|
kiewon krutú
|
rieta vas kiewuca
|
krutujú
|
roton krutú
|
rieta vas rotuca
|
krutuckú
|
konakeke ik konakote ok umeke ik umote ok nivon krutú
|
rieta vas nivuca ik umuca
|
- Jadifa radimosta kak gray zo sofaveped nume grupera va sina tir zolonaca. Ostik gonyurnat da ilkomeleray sotir tozaf nume batenide va diref tazuk sotrasit : in krutumúr
Danten mukodakiraf gray (krutú)
|
→ krutusí
|
in va kontan krutusir
batcoba va koncoba krutusir |
va askira ik jupara soyordar ise va gray tumukodar [tanmukodaf gray] |
- Stragat da -sí osta daskisa va tanmukodaf gray vey kon mukodiskaf is -wé osta ta mukodiskaf gray vey kon mukodakiraf va sint sodivlapud.
Rotis ravlemoc rodaskin kan grayosta (krutú)
|
krutura
|
tira ke gray [yolt]
|
krutusik
|
tisik va gray [yolt]
|
krutunaf
|
tis vas grayaf daskiks ( meugalaf ) [sorela]
|
krutusaf
|
tis vas elupkafa duga [sorela]
|
- Bata balemoya radimosta va toloy yolt iku sorela vey bet mukodiskaf gray ronoredud. Tela loon gubefa num gogrupepena tid -ra is -sik.
|
|
|
 Kerdeleem ke mukodiskaf gray
Kot gray va varaf kerdeleem dadir. Nivon sotir ton " tiskise " olkoy ( koedjaf num apton tcaliskaf ).
San-tanoya ara kerdela krulded, i konaka zo sofaveped voxu abicara sotid loon riafa. Tid :
12 tisa kerdela ke gray (krutú)
|
krutú
|
Tiskise kerdela oku ree [ koedjafa kerdela ] |
ve krutú
|
Vule kerdela oku veree |
al krutú
|
Tiyise kerdela oku daree |
di krutú
|
Titise kerdela oku diree |
su krutú
|
Kabdie kerdela oku suree |
fu krutú
|
Kadimie kerdela oku furee |
toz krutú
|
Vabdie kerdela oku toree |
wan krutú
|
Trenase kerdela oku waree |
dun krutú
|
Voljoase kerdela oku duree |
non krutú
|
Waljoase kerdela oku noree |
gin krutú
|
Lintese kerdela oku giree |
ten krutú
|
Vadimie kerdela oku teree |
Graycaveindeem ke mukodiskaf gray
Kot gray va rieta vas graycaveinda sodiskir.
Graycaveinda va tirinda tove grayafa tegira oku sok somuxar.
Grayaf tazuk a rowina diskina tcala vas graycaveinda tire sotir ton tise caveinda.
Bata sotir nivafa num koedjafa. Va askiks meion somuxar.
Voxe va lerdoya ara veycaveinda ostik dadit. Ise kotbata ( vaxe sokise caveinda )
va caveinda dere dirgar ( i va koton 32 kasaca ), ta sulera va
kota muxasa olegara. Tid :
32 tisa graycaveinda (krutú)
|
krutú
|
Tise caveinda [ koedjafa caveinda ] |
rokrutú
|
ROTISE veycaveinda |
→ rodekrutú
| Altodefrese caveinda |
→ rovekrutú
| Mivvebase caveinda |
→ ronokrutú
| Divenovene caveinda |
→ rovokrutú
| Goaspilvodase caveinda |
gokrutú
|
GONISE veycaveinda |
→ godekrutú
| Defreravebase caveinda |
→ govekrutú
| Mivgonise caveinda |
→ gonokrutú
| Divevebase caveinda |
→ govokrutú
| Goaspilvebase caveinda |
djukrutú
|
DJUMESE veycaveinda |
→ djukukrutú
| Kuranise caveinda |
→ djugakrutú
| Galpese caveinda |
→ djukakrutú
| Karolase caveinda |
→ djupokrutú
| Pokolese caveinda |
→ djuprokrutú
| Progese caveinda |
grukrutú
|
GRUPESE veycaveinda |
→ grurakrutú
| Ravese caveinda |
fokrutú
|
FOLISE veycaveinda |
→ fogekrutú
| Gestise caveinda |
nukrutú
|
NUVELASE veycaveinda |
→ nujikrutú
| Jidjase caveinda |
→ nurukrutú
| Ruyese caveinda |
lakrutú
|
LAGASE veycaveinda |
→ lasukrutú
| Sugase caveinda |
→ laxukrutú
| Xuyavosase caveinda |
→ lajukrutú
| Jupekase caveinda |
gikrutú
|
GILTISE veycaveinda |
→ gibekrutú
| Beduse caveinda |
→ gitakrutú
| Tabise caveinda |
sokrutú
|
SOKISE veycaveinda |
|
