|
|
|
|
Grayoc is ponaks mal gray kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kot gray
rotir omava ke ravlemoc ik ponaks. Kasaca sotid jontika is tentupuyuna
is pakepena. Direon baroya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt gray tire rupteper. Loeke zolonaf
grayoc kotoron tuvanon zo murobad :
Jadifa radimosta rorewana
(almadá)
|
almadamá
|
abiceke ik abicote almadá
|
rieta vas abicuca
|
almadapá
|
jontikeke ik jontikote almadá
|
rieta vas jontikuca
|
almadarsá
|
slikeke ik slikote almadá
|
rieta vas slikuca
|
almadansá
|
dikeke ik dikote almadá
|
rieta vas dikuca
|
almadanyá
|
kiewon almadá
|
rieta vas kiewuca
|
almadajá
|
roton almadá
|
rieta vas rotuca
|
almadacká
|
konakeke ik konakote ok umeke ik umote ok nivon almadá
|
rieta vas nivuca ik umuca
|
- Jadifa radimosta kak gray zo sofaveped nume grupera va sina tir zolonaca. Ostik gonyurnat da ilkomeleray sotir tozaf nume batenide va diref tazuk sotrasit : in almadamár
Danten mukodiskaf gray (almadá)
|
→ almadawé
|
in almadawer
batcoba almadawer |
graytegira volins sokisa iku dilizesa somuxar [mukodiskaf gray] |
- Stragat da -wé osta daskisa va mukodiskaf gray vey kon mukodakiraf is -sí osta ta mukodakiraf gray vey kon mukodiskaf va sint sodivlapud.
Rotis ravlemoc rodaskin kan grayosta (almadá)
|
almadaks
|
coba daskina gan tegira ke gray [yolt]
|
almadambik
|
toleodaf mukasik va gray ( anton vey tolmukodaf gray ) [yolt]
|
almadanik
|
levgasik va gray [yolt]
|
almadara
|
tegira ke gray [yolt]
|
almadasik
|
tegisik va gray [yolt]
|
almadasiki
|
gor zanien ta graytegira iku zanies [yolt]
|
almadasiko
|
foalk skus va graytegira iku de [yolt]
|
almadaxa
|
xa vanolana gan graytegira [yolt]
|
almadaxe
|
xe lize graytegira dilizer [yolt]
|
almadaxo
|
xo lize graytegira dilizer [yolt]
|
almadanaf
|
tis vas grayaf daskiks ( meugalaf ) [sorela]
|
almadasaf
|
tis vas elupkafa duga [sorela]
|
- Bata san-toloya radimosta va yolt ik toloya sorela mal bet mukodakiraf gray ronoredud. Tela loon gubefa num gogrupepena tid -ra is -sik is -xo.
|
|
|
 Kerdeleem ke mukodakiraf gray
Kot gray va varaf kerdeleem dadir. Nivon sotir ton " tiskise " olkoy ( koedjaf num apton tcaliskaf ).
San-tanoya ara kerdela krulded, i konaka zo sofaveped voxu abicara sotid loon riafa. Tid :
12 tisa kerdela ke gray (almadá)
|
almadá
|
Tiskise kerdela oku ree [ koedjafa kerdela ] |
ve almadá
|
Vule kerdela oku veree |
al almadá
|
Tiyise kerdela oku daree |
di almadá
|
Titise kerdela oku diree |
su almadá
|
Kabdie kerdela oku suree |
fu almadá
|
Kadimie kerdela oku furee |
toz almadá
|
Vabdie kerdela oku toree |
wan almadá
|
Trenase kerdela oku waree |
dun almadá
|
Voljoase kerdela oku duree |
non almadá
|
Waljoase kerdela oku noree |
gin almadá
|
Lintese kerdela oku giree |
ten almadá
|
Vadimie kerdela oku teree |
Graycaveindeem ke mukodakiraf gray
Kot gray va rieta vas graycaveinda sodiskir.
Graycaveinda va tirinda tove grayafa tegira oku sok somuxar.
Grayaf tazuk a rowina diskina tcala vas graycaveinda tire sotir ton tise caveinda.
Bata sotir nivafa num koedjafa. Va askiks meion somuxar.
Voxe va lerdoya ara veycaveinda ostik dadit. Ise kotbata ( vaxe sokise caveinda )
va caveinda dere dirgar ( i va koton 32 kasaca ), ta sulera va
kota muxasa olegara. Tid :
32 tisa graycaveinda (almadá)
|
almadá
|
Tise caveinda [ koedjafa caveinda ] |
rotalmadá
|
ROTISE veycaveinda |
→ rodefalmadá
| Altodefrese caveinda |
→ rovebalmadá
| Mivvebase caveinda |
→ ronovalmadá
| Divenovene caveinda |
→ rovodalmadá
| Goaspilvodase caveinda |
gonalmadá
|
GONISE veycaveinda |
→ godefalmadá
| Defreravebase caveinda |
→ govebalmadá
| Mivgonise caveinda |
→ gonovalmadá
| Divevebase caveinda |
→ govodalmadá
| Goaspilvebase caveinda |
djumalmadá
|
DJUMESE veycaveinda |
→ djukuralmadá
| Kuranise caveinda |
→ djugalalmadá
| Galpese caveinda |
→ djukaralmadá
| Karolase caveinda |
→ djupokalmadá
| Pokolese caveinda |
→ djuprogalmadá
| Progese caveinda |
grupalmadá
|
GRUPESE veycaveinda |
→ gruravalmadá
| Ravese caveinda |
folalmadá
|
FOLISE veycaveinda |
→ fogesalmadá
| Gestise caveinda |
nuvalmadá
|
NUVELASE veycaveinda |
→ nujidalmadá
| Jidjase caveinda |
→ nuruyalmadá
| Ruyese caveinda |
lagalmadá
|
LAGASE veycaveinda |
→ lasugalmadá
| Sugase caveinda |
→ laxuyalmadá
| Xuyavosase caveinda |
→ lajupalmadá
| Jupekase caveinda |
gilalmadá
|
GILTISE veycaveinda |
→ gibedalmadá
| Beduse caveinda |
→ gitabalmadá
| Tabise caveinda |
sokalmadá
|
SOKISE veycaveinda |
|
