|
|
|
|
Grayoc is ponaks mal gray kan osta
|
- Sedme winugafa pulviropa ke Kotava
( IV-02 siatos, 4-aksat 2015 ), kot gray
rotir omava ke ravlemoc ik ponaks. Icde meilkomaf gray, kasaca sotid abica vox tentupuyuna
is pakepena. Direon toloya wafra vuestesa va sina isu klioton pimtasa
tigid. Kot kasaf tazuk mevrebon zo slamer meie dace tir ageltodafa ;
batcoba va sugdalacka ke unt gray tire rupteper. Loeke zolonaf
grayoc kotoron tuvanon zo murobad :
Jadifa radimosta rorewana
(kentar)
|
kentamar
|
abiceke ik abicote kentar
|
rieta vas abicuca
|
kentapar
|
jontikeke ik jontikote kentar
|
rieta vas jontikuca
|
kentarsar
|
slikeke ik slikote kentar
|
rieta vas slikuca
|
kentansar
|
dikeke ik dikote kentar
|
rieta vas dikuca
|
kentanyar
|
kiewon kentar
|
rieta vas kiewuca
|
kentajar
|
roton kentar
|
rieta vas rotuca
|
kentackar
|
konakeke ik konakote ok umeke ik umote ok nivon kentar
|
rieta vas nivuca ik umuca
|
- Jadifa radimosta kak gray zo sofaveped nume grupera va sina tir zolonaca. Ostik gonyurnat da ilkomeleray sotir tozaf nume batenide va diref tazuk sotrasit : kentamar
Rotis ravlemoc rodaskin kan grayosta (kentar)
|
kentara
|
tira ke gray [yolt]
|
kentanaf
|
tis vas grayaf daskiks ( meugalaf ) [sorela]
|
- Bata toloya radimosta va tanoy yolt iku sorela vey cug meilkomaf gray ronoredud.
|
|
|
 Kerdeleem ke meilkomaf gray
Kot gray va varaf kerdeleem dadir. Nivon sotir ton " tiskise " olkoy ( koedjaf num apton tcaliskaf ).
San-tanoya ara kerdela krulded, i konaka zo sofaveped voxu abicara sotid loon riafa. Tid :
12 tisa kerdela ke gray (kentar)
|
kentar
|
Tiskise kerdela oku ree [ koedjafa kerdela ] |
ve kentar
|
Vule kerdela oku veree |
al kentar
|
Tiyise kerdela oku daree |
di kentar
|
Titise kerdela oku diree |
su kentar
|
Kabdie kerdela oku suree |
fu kentar
|
Kadimie kerdela oku furee |
toz kentar
|
Vabdie kerdela oku toree |
wan kentar
|
Trenase kerdela oku waree |
dun kentar
|
Voljoase kerdela oku duree |
non kentar
|
Waljoase kerdela oku noree |
gin kentar
|
Lintese kerdela oku giree |
ten kentar
|
Vadimie kerdela oku teree |
Graycaveindeem ke meilkomaf gray
Kot gray va rieta vas graycaveinda sodiskir.
Graycaveinda va tirinda tove grayafa tegira oku sok somuxar.
Grayaf tazuk a rowina diskina tcala vas graycaveinda tire sotir ton tise caveinda.
Bata sotir nivafa num koedjafa. Va askiks meion somuxar.
Soe, voldum ar grayord, meilkomaf gray va abica veycaveinda is meka toleodafa
caveinda rodadir. Sina tid :
4 tisa graycaveinda (kentar)
|
kentar
|
Tise caveinda [ koedjafa caveinda ] |
nukentar
|
NUVELASE veycaveinda |
gikentar
|
GILTISE veycaveinda |
sokentar
|
SOKISE veycaveinda |
|
